德X女子中學冤鬼貴「性」？

Chrisdy

德X女子中學冤鬼貴「性」？

時間：九七年六月•地點：德X女子中學•撞鬼人物：Vivian、Mandy

我學校係近山邊，平時真係多見樹木少見人。放學後，學校會特別靜。所以我習慣同死黨o係學校溫書。有時仲溫到入夜先返屋企。

有日我同Mandy留o係學校圖書館，我人有三急，自己一個走去廁所。唔知點解，入到去廁所已經覺得驚，想走返出去，但係真係好急，唯有快快手手搞掂！我閂廁所門時，聽到有刮牆聲。我覺得好奇怪，明妯既Z所冇人，點解會有聲？我愈諗愈驚，即刻衝出廁所。走到出門口，我聽到背後有人講o野，佢講乜，我聽唔清楚，只係聽到人聲。

我拿拿聲返去同Mandy講：「廁所有鬼，我o地快D走。」佢面青唇白話：「我都見到。」「你係邊度見到？」「正話我去走廊想休息，見到操場有幾個人係度打排球，個個我都未見過，最奇怪佢o地唔似係女仔，我間學校係女校，點解會有男仔走入o黎？我叫佢o地，佢o地一個個抬起頭，對眼都有血流出 。」「咁你點解仲唔走？」「行出去條路咁靜，咪仲容易撞到 。」