靈嬰纏身

Chrisdy

靈嬰纏身

靈嬰纏身

日期：200年1月5日

人物：程太

死人習作事務所早上剛開門不久，就有位年約三十歲的女人登門造訪。

「呢度就係死人習作事務所呀？」女人問道。女人身型瘦削，面色蒼白，好像營養不良似的。

拿拿淋：「係呀！你一定有事搵我o地幫忙，入o黎坐低至講啦。」拿拿淋和CY一看女人這副模樣，已猜到她大概是被靈體纏身。

CY：「你遇到咩問題要我o地幫手呢？講起o黎，我仲未知點稱呼你添！」

女人：「我先生姓程，叫我程太得啦。我今次o黎其實想……你o地幫我成功懷孕生仔。」拿：「咪住咪住！程太，你會唔會搵錯地方呢？你如果生育有問題，應該去搵醫生喎！」

程太：「我冇搞錯，你o地聽晒我o既經歷就自然會明。」CY：「咁到底你遇到乜o野經歷呀？」程太：「我同我先生結婚以o黎，曾經懷孕過三次，但三次都流產，冇法子順利將BB仔生出o黎。」

拿：「會唔會同你體質有關呢？」程太：「或者都有關係，但係咁喎，我每次懷孕，都會發惡夢，夢見一個個樣好惡好可怕o既BB。佢o向後面箍住我條頸，身體黐住我背脊，死都唔肯放手。當時我每晚不停發同一個夢，直至流產，個BB冇o左之後，個夢至唔再發。我懷疑自己惹o左污糟o野，所以o黎搵你o地兩位。」

拿拿淋向CY說：「最直接方法係馬上開天眼，睇下程太有乜唔妥。CY：「就咁決定啦！」

CY說罷，將手搭向拿拿淋，輸出靈力，拿拿淋馬上看見程太身上的異象。只見一個嬰孩的靈體從後箍著程太的頸不放，正好像程太所形容的夢境一樣。

拿：「程太，我真係睇到你身上附有靈體。」「o下！」雖然已有心理準備，但程太仍是吃了一驚。

拿語氣強硬的問：「我有個問題想你老實答我，咁耐以o黎，你真係試過只係流產三次？」

程太帶點為難的說：「其實我……唔怕老實講，我結婚前識過一個男朋友，同佢有o左，之後……墮過胎。」

CY：「唔使講，一定係你o個細路仔因為投唔到胎做人，對你懷恨在心，所以呢個『靈嬰』一直纏住你，令你生唔到BB。」程太不知所措：「咁點算呀？」

「等我嘗試同佢溝通o下啦！」拿拿淋回答程太後，就向程太背上的『靈嬰』說：「你到底想點呢？其實你媽媽都已經好內疚。」

『靈嬰』沒有被打動，並露出兇惡的表情望向拿拿淋。CY：「不如你今日返去先，我o地盡快諗辦法同你解決。」

程太沒法子，唯有先行回家。當晚，她老實地跟丈夫交代了過去曾墮胎的事。程生十分愛她，答應原諒她，並嘗試一起解決問題。程生和程太對著鏡子向「靈嬰」懇求：「其實我o地都好內疚，仲好痛苦，想為你做番o的o野作補償，你需要乜o野，請你講啦！」怎料鏡子突然爆裂，好像意味著「靈嬰」不肯原諒程氏夫婦。

第二天，CY表示已想出解決方法，於是告訴程氏夫婦。

「『靈嬰』自己投唔到胎，所以唔肯俾自己o既細佬妹成功投胎。我建議你o地為佢設個靈位，改個名俾佢，當佢係屋企o既大仔，以後出世o既全部都係佢細佬妹，我估佢有可能唔再仇視你o架o勒。」

程太忍不住哭了出來，說：「我o地會依你所講照辦。老實講，佢雖然冇法子出世，投唔到胎，但畢竟係我骨肉，我一直都當o左佢係我大仔一樣。」

後記：程氏夫婦依法照辦，果然奏效。程太體質較佳，在半年後懷孕，今次再沒有發惡夢。十個月後，成功誕下一個可愛又健康的兒子，一家「四」口過著愉快的生活。