不恐怖經歷 ~ 鬼單

金星移民

hi 大家好~ 今次, 我係呢個forum呢個post開始講一連串曾經發生係我身上既怪事, 至於恐唔恐怖就見人見智了...
其實我既呢一d經歷都講過比好多朋友聽, 以前就多數係bbs同d朋友講過下... 直至到早排女友係電台聽到一個人講緊同我差唔多既經歷...
雖然我既經歷未必係好恐怖, 但都希望我既經歷係由自己講出尼, 而唔想比人為左講得更恐怖而修改過先再講番出尼law...

~ 簡介 ~
我既一連串經歷係由我細個有一次係街邊亂撿玩具起開始, 直至兩三年前我開始接觸靈修後便停止了...
嗯... 今次就先講一個我做洗樓sales時發生既事先la, 點解? 因為我女友就係係電台聽到一個八成似既故事, 又不停叫我打去電台講下我既版本出尼... 而令我有今次出post既衝動...

= 正題 =
~ 鬼單 ~
係幾年前, 我做過幾年寬頻sales, 個幾年係發生得最多怪事...

個時新年, 我入行無耐, 做i-cabxx direct sale, 個個年代, direct sales 同其他sales最大分別就係... direct sales 只可以洗樓, 外判sales 只可以擺街, (後期都冇分了...)

有一日, 返到公司開完會分完樓紙之後, 知道要洗"葵盛西村", 我就同成班師兄先去打完波食完飯, 見差唔多時間就分頭上樓了...個日好黑仔, 洗極都唔出單, 覺得怪怪地... 所以就開始探下d客口風係咪有人偷洗個我份貨
(我地d樓紙mark哂邊座樓, 同咁多個單位的, 即預先分配好幾多個單位比每一個sales, 以保公平, 我地會叫呢d做"貨"... 有時, 總有隔離team d人偷貨出單, 爭bouns的...)

慢慢洗多十幾間, 就知道d 貨比人洗過, 嬲嬲地打比阿頭要求換貨... 可惜比人鬧到仆左係度咁濟, 最後, 唯有死死地氣咁繼續洗... 但明知d 貨比人洗過真係好難出單的, 就越洗越冇心機, 直至到某一層樓梯位隔離個單位, 心諗洗埋呢個單位, 得就得, 唔得就算鬼數, d 貨係咁就算比人鬧都冇法...

我係個隔離個單位望過去, 見到門口有個幾新淨既地主, 大門開住, 仲聽同入面好多人聲... 心諗, 間間屋都好舊同死氣沉沉, 係呢間唔同, 仲咁多人tim, sell 佢一個唔開單都可以博下其它人丫, 於是我扮哂frd咁係門口同佢地say hi, 講下d客套說話咁, 點知佢地勁nice, 仲開埋道鐵閘同我傾計, 一路傾一路sell, 佢地好似唔知咩係寬頻咁, 但佢地有幾個望落都係廿幾三十咁, 冇埋由唔識丫... 但一講到上網佢地又明wor, 佢地好似覺得寬頻同上網係兩樣完全唔可以掛勾既野咁, 唔, 當時我一見咁情況, d 信心開始返尼la, 落多幾錢肉緊, 真係食粥食飯靠呢鋪咁...

講講下就簽單了, 簽單前, 佢地仲係咁叫我入去坐低, 但我慣性做法係推多兩三次先扮下替客人著想, 唔知我係乜人呀, 唔好亂比我入屋呀, 安全d 好~ 通常好多客都會受落, 之後簽單都會順利d... 但見佢地面黑一黑, 雖然唔係好明, 但心諗, 簽單要快, 但要先轉一轉話題先~ 求其扮nice一路問下點解之前冇人sell過呀, 一路問佢拎id card同cc card落單...

佢地就話..."冇問題丫~ 上網我識丫, 聽完你講我先知原來同一樣野尼gei... 之前個d都裝唔到... 不過你話一定得, 比你試下又無乜所謂丫..." 簽完單, 第一件事就係打電話上card centre 拎app. code, 因為拎左app. code先可以call師傅做即裝, 同埋咁樣張單先會"實". 講多幾句客套說話之後我就坐左係隔離樓梯丫, 坐係度等師傅尼裝... 因為裝左先叫做交到數, 時間又唔早la, 所以我坐係度等裝, 如果裝裝下個客有乜野嘈都可以出面拆下招咁... 等左一陣, 見到個師傅行過, 但冇停到係個度, 心諗... 攪乜呀, 咁都去錯地方?? 唔通唔係呢個師傅?? 就咁望住佢行過左... 過左陣, 收到阿頭打尼, 係咁鬧, 話我冇單就冇單, 做乜學人開鬼單(即假單)... 我個下就梗係嬲la, 同佢頂到盡, 話我就係個度, 係個師傅白痴自己搵唔到o者!! 阿頭就話上尼對質, 我梗話好la~ 咁大間屋走得去邊, 雖然係靜左, 冇左人聲, 但我亦見到間屋入面著哂燈, 卡app. code又拎左, 邊有得假!!! 所以繼續坐係樓梯度煲住煙等佢上尼, 點都要拎番個公道~~

過左陣阿頭上到尼, 企係我面前, 指住個單位, 係咁鬧"咁仲唔認開鬼單!!!" 我一路鬧一路行去個單位前"好丫~邊..度...鬼....丫....." 我個下真係講唔到落去... 眼前個單位前面個地主封哂塵同蜘蛛網, 門口同鐵閘都係... 最無奈係個度門係開左半... 入面係黑漆漆一片, 同埋係咩都無, 得幾張舊報紙係地下... 我即係拎番張單出尼... 上面的確有"某個人"既資料, 同用鉛筆掃過既信用卡樣, card centre既app. code... 我真係諗極都唔明... 如果真係個d野, 張卡點拎到app. code... 最後我比阿頭捉住一路鬧一路落樓, 阿頭鬧完一輪, 就開始dum番我, 話咩貨都有可能派到我地手, 但即使幾差既貨冇數出都要跑到盡左力為止, 點都唔可以開鬼單...