鬼雀會

由於公司鬧鬼的關係,我又知多一單野!
做完法事後,我地一班"高級人員"同老細去食飯
其間我細老闆又講咗一單野

話說今年開工大吉一班同事向灣仔一間雀會食完飯之後,我同我細老闆,兩個公司友好partners就繼續打麻雀
點知第一舖我就出沖八飛"嚦咕嚦咕",跟住第二舖我又出沖"混一色",我仲講"打台灣牌,使唔使好似廣東牌咁做牌呀!!"
說時遲那時快,第三舖仲一砲三響
當晚輸到要開cheque.....

當日我細老闆太太都有向到觀戰,佢仲同我講"你今晚輸緊啦!",我仲以為佢幫佢老公口(因我細老闆一向自稱"賭神")
原來我老闆娘佢睇到有個著恤衫西褲"男人"企向我身邊望住我打牌.....
所以話d不見天日架場所真係多嗰味野,大家時運唔好就蒲小d!!
我老闆娘話"日光日白"都會有架!!!真係無處不在點算~~