標題:
難忘的一次宿營
[打印本頁]
作者:
金星移民
時間:
2007-11-11 06:38
標題:
難忘的一次宿營
我前排參加左一D課程..課程果到要我地去一個GAMP..
我地一班學生+導師一行14人去南丫島一個GAMP到過兩日一夜..
果個GAMP係碼頭行過去都要行一段好長好長既時間..同一D好斜既山路..
行左一個幾鐘頭我地終於上到目的地..大家既體力都消耗得7788..
入到GAMP..我先留意下4周既環境..果度有一棵大樹..
果到D人自己整左個千秋...好似D鬼片呀,童話故事果D係棵樹到拎兩條繩整住..
加塊木板..果種千秋..起初大家見到個千秋都好開心..過去玩下...
有一位朋友(她自稱有陰陽眼, 我叫佢c喇~) 叫我唔好去玩..拉開左我..
咁我覺得佢好似係見到D咩..所以就冇行過去...
之後我地見到有一隻黑狗(女)同一隻白狗(仔)..
佢地分別叫做小黑同小白..我地休息左一陣...放抵晒D野..
(果度係兩間宿舍,一邊男,一邊女)就開始玩我地既活動等等,
到夜晚大約8點幾到喇..我地就到上山玩獨處即一個人係一個地方身邊冇第二個..
你身上只係得一張紙一支筆同埋一支電筒..上山果陣導師唔比我地開電筒..
大家一直排..見到既..
只係3位導師手上電筒既微弱既燈光..沿路行上去..
大家都冇出聲..加上冇燈光既照明..令氣氛更加好恐怖..
當我坐抵左之後..我就不停咁做導師叫我地做既野..但因為本人怕黑既關係..
唔知係心理作用定係咩..不停咁聽到腳步聲..係我附近行黎行去..
果刻真係好恐怖...希望快D完結..好驚咁涯左9個字到..
見到導師接番其他朋友番黎..個心都安落左好多..
之後我地討論番都冇乜野..番番落去..我地大家都仲有D肚餓..
11個學生有男有女咁坐左係女生宿舍門外既椅子上面食杯面..
(d導師同果度d人係活動室到睇緊 tv)
係傾談之制大家自然講起鬼呢一個話題..有個女仔話自己得番半條命..
問佢點解..佢就話同巫術立左D唔知咩既契約之累既野..
之後大家都唔明咁係咁問係咁問..之後突然..
訓左係我地身邊既小黑一聲吠叫..
跑左去千秋果邊不停咁吠..
大家意識上就係大叫同埋望向千秋果邊睇下發生咩事..
只係見小黑係咁吠但係就乜都冇..大家都意識到可能自己講錯野..
呢個時候我發現坐係我身邊既牙c係咁喊..
我地成班問佢發生咩事..佢就只係攬住我係咁喊..
之後我帶佢番宿舍入面..等佢冷靜左..再問佢發生咩事..
佢話果個女仔講錯野..激嬲左佢地..當佢向樹果面望去既時候..
已經見到"他們"變晒D恐怖樣..撞埋黎...當時既距離其實只係幾cm..
後尾佢冷靜左D之後話想去廁所..
我地4個女仔一齊入..
牙C
行第一,入到去佢又無喇喇尖叫..
仲係門口既我都比佢嚇得就番出廁所..
之後佢又攬住我喊..
後尾班男仔聽到我地叫走左出黎問咩事..有個就怕我地驚..關左女廁大門..
但係好奇怪..過左一陣..我地想開番果度門..開極都開唔到..
最後我地企左係廁所門口勁耐..係咁諗發生咩事..
最後都係決定拿拿淋番去訓一覺訓醒當冇事...
番到入去..牙C
可能係喊到好累..好快就訓左...
我同另外一個女仔因訓唔著坐係床尾用筆紙寫傾計..
因為廢事嘈醒其他人..點知寫寫下我地支筆寫極都寫唔到..但係寫落手到又寫到..
之後我地都決定唔諗..訓覺..但係我成晚都訓唔到..
仲聽到d啪啪聲..但我冇開眼睇咩事..
因為好驚- -""
到第二朝..我先敢開眼..但周圍都冇乜野..後尾導師帶我地行番夜晚獨處果段路..
先發現原來有個"人"住係果度..個心都不禁一寒...
歡迎光臨 檸檬論壇 (http://lemonforumhk.com/forum/)
Powered by Discuz! 7.0.0