檸檬論壇 - Powered by Discuz! Board

標題: 鬼上身 [打印本頁]

作者: 金星移民 時間: 2007-10-15 12:39 標題: 鬼上身

呢件事唔係我親身經歷, 但我每次諗番起, 都覺得幾恐怖...

事件主角係我家姐 :
係佢十七八歲果年, 我家姐同佢男朋友, 同另外一PAIR情侶,
去西貢既一處地方露營(正確地點我唔係太記得), 係扎營地點
既傍邊, 有一條河.

佢地去到既時間, 大約係四至五點左右, 佢地扎好營下榻之後,
果一PAIR情侶同家姐個男友就同我家姐講 : " 我地四周視察吓環境
先, 妳洗D野用具先啦. "

於事家姐就係河邊洗用具, 洗吓洗吓....突然間見到河有個倒影 !
佢即刻停手向後一望... 一個人都無 !
家姐心諗, 成班衰人夾埋玩我 ! 等我嚇番你地先 !

家姐繼績洗野, 個倒影再次出現 !!!
今次好清楚, 係一個老婆婆 !
家姐再回頭一望, 都係一個人都無 !!!

家姐大叫, 一PAIR情侶同家姐男友馬上係樹林飛奔出番黎.
家姐男友問 : "咩事呀 ?"
家姐就話 : "你地去鬼咗邊呀?頭先我係河度, 見到有個亞婆呀!"
男友就話 : "傻咗咩妳, 呢度四周圍鬼形都無隻呀!"
家姐就話 : "我真係見到架, 你地唔信我呀?"
大家都覺得家姐講大話嚇人...

家姐心諗 : "點解唔信我 ?"

天開始黑, 大家準備開始燒野食.
大家好開心, 一路燒野食一路有講有笑.
之前既事都唔記得咗.

"都差唔多成點喇, 收爐執埋啲野瞓啦" 家姐男友話.
可能大家都飲咗少少酒, 好快就瞓著咗

歡迎光臨檸檬論壇 (http://lemonforumhk.com/forum/)