標題: 傻佬買電視 [打印本頁]

---

作者: Chrisdy    時間: 2007-6-17 18:39     標題: 傻佬買電視

傻佬買電視

有個傻佬走入間電器舖同個店員講：
『唔該我想買放係櫥窗處果部電視機呀!』
但個店員回答佢話：『我地係唔會賣野比傻佬架!』
個傻佬心裡想~點解個店員咁叻知道我係一個傻佬既呢~
但我真係好想買果部電視機喎~點好呢?
到左第二日~個傻佬裝扮成一個老太婆咁再走去間電器舖處~
又同個店員講：『先生~請您比放係櫥窗處果部電視機我呀!』
但個店員又回答佢話：『我都話我地係唔會賣野比傻佬架咯!』
個傻佬真係覺得好奇怪呀~
自己已經扮成個老太婆咁架啦~
搞咩仲係比佢識穿到係一個傻佬既呢?
但係佢唔甘心!
到左第三日~佢裝扮成一個地盤工人咁既樣~
戴晒安全帽咁成個岩岩收工咁既樣再去多次果間電器舖~
佢再走埋去同個店員講：
『老兄~包起放係櫥窗處果部電視機比我呀!』
但個店員沒好氣咁講：
『我同您講過好多次架啦~我地係唔會賣野比傻佬架!您走罷啦~』
個傻佬終於忍唔住問：
『搞咩我扮成咁您都知道我係一個傻佬架!?!?』
個店員答『因為放係櫥窗處果部唔係電視機~係微波爐呀~傻佬!』

---

歡迎光臨 檸檬論壇 (http://lemonforumhk.com/forum/)

Powered by Discuz! 7.0.0