標題:
凶宅遺害新住客 (1)
[打印本頁]
作者:
Chrisdy
時間:
2007-6-14 12:15
標題:
凶宅遺害新住客 (1)
凶宅遺害新住客 (1)
凶宅遺害新住客 (1)
當一間屋發生過兇案，就會成為人見人怕o既凶宅，唔好話好難賣得出，連租出o既機會都好微。如果咁o岩住緊o個間真係鬼屋，係咪寧舍恐怖呢﹖
土瓜灣
透牆女鬼枕邊慘叫
地址：舊珠江戲院樓上
現況：拆卸後改建成一座新式豪宅
阿貴為o左應付A-Level考試，索性搬去表哥屋企暫住。住o左差唔多一個禮拜之後，由於表哥要去旅行，所以就剩低阿貴一個人留o係屋企。因為貪表哥張床又大又舒服，所以表哥離開後，阿貴第一晚就過去表哥間房度訓。訓到半夜，阿貴感覺到身邊空出o既半張床，好似有人o左落去。阿貴第一時間仲以為係表哥返o 黎，諗住起身返自己間房再訓過。不過，佢突然間諗起表哥應該去o左旅行，屋企只係剩低自己一個人，應該唔會有其他人o向度，但係佢越諗越唔敢擘大眼望o下周圍。
正當阿貴猶豫望唔望側邊之際，身邊忽然傳來「哎！」一聲，再隔一陣又傳來「鳴∼∼鳴」的哭聲，聲音好似好傷心。阿貴已經被嚇到睡意全消，但又唔敢張開眼，驚睇到床上面會有其他人出現。
好辛苦地先捱到天光，阿貴終於鼓起勇氣瞇埋眼衝返自己間房。肯定坐o向自己張床度，阿貴先敢擘開對眼，點知一開眼，就見到一個著住黑色長衫o既女人，由表哥間房o既牆上行出o黎，然後再透過客廳道牆離開。即日阿貴就搬返自己屋企住，後來仲係媽媽驚表哥會被鬼搞，所以先同表哥講起呢件事。不過表哥就話住落咩事都冇發生過，仲話應該係阿貴讀書太D，先會出現幻覺。
不過阿貴後o黎託一個做地產o既朋友打聽，先知表哥所住o既單位，已經先後o係兩年內租過俾六、七個住客，不過冇一個住到超過半年；而且個個租客要求退租o既原因，都係聲稱屋內有鬼，佢o地寧願蝕租都要即刻搬走。後來阿貴將傳聞話o左俾表哥聽之後，佢表哥亦即刻搬走，不過就唔肯講有冇見過呢隻女鬼。而家呢幢大廈亦已經拆卸，重建成一幢豪宅出售。
歡迎光臨 檸檬論壇 (http://lemonforumhk.com/forum/)
Powered by Discuz! 7.0.0
